Kontsultatu katalogoa

Jarduera honetan, ikasgelako lana eta ESS Bilbaon murgiltze-esperientzia uztartzen dira, bisita gidatu baten bidez. Bertan, ikasleek bertatik bertara ezagutu ahal izango dute nola funtzionatzen duen partikula-azeleragailu batean oinarritutako neutroi-iturri batek, prozesuaren faseak eta haien aplikazioak hainbat sektoretan.

Fisikan, ingeniaritzan eta teknologian espezializatutako hainbat profesionalek lagunduko diete ibilbide osoan zehar.

Ikasitakoa finkatzeko eta praktikan aplikatzeko, ikasleek partikula-azeleragailu batean oinarritutako neutroi-iturriaren prototipo bat diseinatu eta/edo eraikiko dute, modu analogikoan edo digitalean. Horrela, fase honek talde-lana, sormena eta pentsamendu kritikoa sustatuko ditu.

Jarduera honek bioarkeologiara eta giza eboluzioaren azterketara hurbilketa praktikoa eskaintzen du. Aranzadi Zientzia Elkartearen adituen eskutik, ikasgelan, DBHko eta Batxilergoko ikasleek benetako hezur-hondarrak identifikatzeko erronkari aurre egingo diote, iraganeko pertsonen bizitza berreraikitzeko. Jarduerak ikasgela ikerketa-laborategi bihurtuko du, eta bertan anatomiari eta historiaurreko teknologiari buruzko ezagutzak aplikatuko dira nor garen eta nola eboluzionatu dugun ulertzen laguntzen duten enigmak argitzeko.

Horrek guztiak agerian uzten du Aranzadi Zientzia Elkartearen eginkizuna: ondare zientifiko, historiko eta kulturalaren kontserbazioan eta balioan jartzean erreferentziazko erakundea izatea, gure gizarte modernoaren eboluzioa ulertzeko funtsezko elementuak baitira..

Generacion Code taldeko aditu baten aholkupean, parte hartzen duten irakasleei eta aldez aurretiko ezagutzarik izan gabe, ikasleek aukera izango dute gelan lan bat egiteko Code.org plataforma ezagutzeko eta Kodearen Ordua programazio-ekimenarekin ohitzeko.

Modu erraz eta dibertigarrian, jarduera honek Lehen Hezkuntzako hirugarren zikloko eta Bigarren Hezkuntzako 1. eta 2. zikloetako ikastetxeen aldi bereko konexioarekin jarraituko du, erronka bat gainditzeko asmoz. Erronka horretan ikasiko dute nola zientziak eta teknologiak gizartearen arazo eta erronkak konpontzeko aukera ematen duten, hala nola klima-aldaketa, gaixotasun gehienak sendatzea, ozeanoak garbitzea, etab.

Ikerketa-gelan aldez aurretik lan egin ondoren, Bigarren Hezkuntzako 1. eta 2. mailako ikasleek ingeniari/zientzialari aditu baten esperientziaz gozatuko dute Zientzaiko emakume eta neskatoen egunean (otsailaren 11n). Aditu horrek, ITP Aero-n egiten duten lana azaltzeaz gain, lan-dinamika bat eramango du ikasgelara, eta, horren bidez, indarrekin eta bultzadekin esperimentatu ahal izango dute, turbina aeronautikoetako funtsezko materialak ezagutu ahal izango dituzte, etab.

Ikasleek gertutik eta oso modu interaktiboan ikasi ahal izango dute, teknologiarekiko eta abiazioarekiko jakin-mina piztea helburu duen jarduera baten bidez.

Bigarren Hezkuntzako 4. mailako eta Batxilergoko ikasleek NEIKER zentro teknologikoa bisitatuko dute, teknologia aurreratuak nekazaritza-sektorearen baldintzak hobetzen nola laguntzen duen bertatik bertara ezagutzeko. Ikasgelan aldez aurretik lan egin ondoren, ikasleek aztertuko dute nola kontrolatzen diren zenbait gaixotasun eta izurri, lurrik behar ez duten labore-motak, haien sistematizazioa eta datu-bilketa, eta puntako soluzio teknologikoetako batzuk egiten diren berotegiak.

Tailer zientifiko baten bidez, Bigarren Hezkuntzako 2. zikloko eta Batxilergoko ikasleek ordenagailu bat laborategiko tresna erabilgarri gisa erabil daitekeela ikusiko dute. BCMaterials ikerketa-zentroko zientzialariek (EHU-Leioako Campusa) azalduko dute ordenagailu eramangarri soil bat nola bihurtzen den tresna ahaltsu bat osasuna edo ingurumeneko kutsatzaileak aztertzeko, kolorimetria-analisiak egiteko gai diren aplikazioen bidez.

Jarduera honetan, ikasleek jakingo dute material berriek nola ematen diguten test kolorimetriko horiek egiteko aukera, eta, gainera, zientzia horren atzean dauden oinarri kimiko eta fisiko errazak ezagutuko dituzte

Ezagutzaren transferentzia sustatzeko, punta-puntako ikerketa biosanitarioa ikasgeletara hurbiltzeko eta etorkizuneko talentua sortzeko helburuarekin, Biobizkaia programak DBHko 3. eta 4. mailako eta Batxilergoko ikasleak 1.700 profesional baino gehiagoko diziplina anitzeko sare batekin konektatuko ditu. Profesional horiek osasun-ikerketan dihardute Institutuan bertan eta hari lotutako erakundeetan, hala nola Osakidetza, EHU eta hainbat zentro teknologikotan.

“Aditua ikasgelan” formatuaren bidez, ikertzaile espezializatuek dibulgazio-saio bat emango dute ikastetxe bakoitzean bi helburu nagusirekin: batetik, gaur egun osasunaren arloan ikertzen duten profil profesionalen aniztasuna erakustea, eta bestetik, medikuntza pertsonalizatu eta zehaztasunezkoaren azken aurrerapenak partekatzea. Jardueran zehar, egungo erronkak landuko dira teknologia aurreratuak erabiliz, hala nola osasunean aplikatutako adimen artifiziala, genetika, terapia molekularra edo bioteknologia.

Ekimen honen helburua ez da soilik STEM bokazioak piztea, baizik eta ikerketak gizartearen ongizatean eta pertsonen osasunean duen eragin

Ikasleek IMH Campus enpresa bisitatuko dute eta mugikorrerako euskarri bat elkarlanean ikertu eta diseinatzeko erronkan parte hartzeko aukera izango dute. Ondoren, prozesu osoa nolakoa den ikusiko dute: diseinua, fabrikazioa eta muntaketa.

Tailer teknologiko honen bidez, Bigarren Hezkuntzako eta Batxilergoko ikasleek aukera izango dute Bilboko Udaleko Gazteria Saileko La Perrerako instalazioak eta ekipamendua gertutik ezagutzeko (Makergunea, espazioa, konekta aretoa, Robotika&IA laborategia), eta, ondoren, 3Dko inprimaketa-tailer bat egiteko, “Bihur zaitez diseinatzaile eta lagun iezaguzu hiri-baratze adimendun bat marrazten”.

Hala, ikasleek sormena eta arazoak konpontzeko gaitasuna landuko dituzte, eta, horrez gain, 3Dko inprimaketa-prozesua ulertuko dute, diseinutik hasi eta fabrikazioraino. Tailer honek, gainera, berritzeko, taldean lan egiteko eta ezagutzak testuinguru errealetan aplikatzeko gaitasuna sustatuko du.

Jarduera honetan, BAICeko (Basque Artificial Intelligence Center) aditu batek Batxilergoko ikasleei proposatu die gogoeta etiko batean murgiltzea, ikasgeletan Adimen Artifiziala (AA) erabiltzeari buruz. AA teknologia erabiltzen ari dira, eta, gainera, azkar ari da aldatzen gure bizimodua bizitzea, lan egitea eta harremanak izatea. Baina ba al dakite benetan zer den AA eta zer inplikazio dituen?

Eztabaida-jarduera baten bidez, ikasleek AAren erabilerari buruz duten pentsamendu kritikoa sustatuko dugu, eta, eskaintzen dizkigun aukerak ez ezik, aurrean ditugun arriskuak ere ezagutuko ditugu.

Santurtziko Lanbide Heziketa Zentroak tailer teknologiko bat eskaintzen die Bigarren Hezkuntzako 2. zikloko eta Batxilergoko ikasleei, teknologia, diseinua eta berrikuntza konbinatuz 3D inprimaketan esperientzia bat praktikan jartzeko. Ikasleek Marteko muturreko baldintzekiko erresistentea den zunda robotizatu baten euskarria diseinatzeko erronkari aurre egin beharko diote. Irakasle adituen gidaren bidez, Siemens NX softwarearen bidez 3D modelaketa ezagutuko dute eta FDM (Bambú inprimagailua) eta SLS teknologiak aztertuko dituzte. Inprimatze-eremu bat ere bisitatu ahal izango dute, bi prozesuak alderatzeko.

Jarduera honen bidez, ikasleek trebetasun teknikoak eta digitalak garatu ahal izango dituzte, bai eta arazoak konpontzeko eta 3D inprimaketa funtsezkoa den irtenbide profesionalak ezagutzeko gaitasuna ere.

Ikasgelan Itsas Biologia eta Bioteknologia Esperimentalen Ikerketa Zentroan (PiE-EHU) egin beharreko zereginera oso bideratuta lan egin ondoren, Bigarren Hezkuntzako bigarren zikloko eta Batxilergoko ikasleek hainbat zatitan egituratutako tailer zientifiko batean parte hartzeko aukera izango dute. Hasteko, lehorreratzeei, horien arrazoiei eta jarduera-protokoloei buruzko azalpenhitzaldi bat emango da, eta, ondoren, Plentziako hondartzan egindako lehorreratze baten simulakroak eta tamaina naturaleko izurde-modelo baten nekropsia bat egingo dira PiE-EHUko instalazioetan.

Gainera, ikasleek hainbat lagin aztertzen ikasiko dute, eta horien emaitzak idazten joango dira, heriotzaren arrazoiak zehazteko. Horrez gain, Bizkaiko Golkoko Ingurumen Espezimenen Biobankua eta histologiako laborategia bisitatuko dituzte, eta, ondoren, urdaileko eta ehunetako laginak analizatuko dituzte mikroskopio eta lupa bidez.

Automobilerako osagai metalikoen diseinuan, garapenean eta fabrikazioan espezializatutako Gestamp enpresak benetako erronka bat jarri die abian, Batxilergoko 1.mailako ikasleei diseinu industrialarekin lotuta. Elkarlanean, ikasleek ikasturte osoan lan egingo dute (adituen aholkularitzarekin) proposamenak bilatzen eta prestatzen. Talde irabazleak enpresaren instalazioak ikusteko aukera izango du.

Mondragon Goi Eskola Politeknikoak (Mondragon Unibertsitatea) benetako erronka bat jarri die Batxilergoko 1.mailako ikasleei, marrazketa teknikoko curriculumeko edukiekin lotuta, eta irtenbidea eman beharko diote. Jarduera honen helburua da irudikapen-sistemak industria-enpresetan duen garrantzia ezagutzea. Horretarako, aditu baten aholkularitza izango du, eta hark erakutsiko du marrazketa teknikoak zer eragin duen produktua garatzeko orduan eta zein fasetan aplikatzen den.

Makina birtualeko software baten bidez, ikasleei beren instalazioetan tailer teknologiko batera joateko aukera ematen zaie.

Zentroak erronka bat proposatuko die, ekipo informatikoetan jasandako zibererasoari aurre egin eta geldiarazteko eta gailu horien saio-hasierako pasahitzak betetzeko.

Gure elikadura erabakiek ingurumenean duten eragina ezagutzeko helburuarekin, BC3 (Klima Aldaketarako Euskal Zentroa) ikerketa zentroko gelan aditua den emakume batek Bigarren Hezkuntzako ikasleekin lan egingo du Switch Food Explorer tresnan oinarritutako dinamika praktiko baten bidez. Tresna horren bidez, jaten dugunaren eragina ezagutu eta osagaien erabilera optimizatu ahal izango dute.

Ikasleek matematikak mundu errealean dituen aplikazioak ezagutzeko aukera izango dute, adimen artifizialaren diziplina batetik. Ikasgelan aditua den matematikari batek eremu horri buruzko ikerketa-lerro bat garatzen du Basque Center for Applied Mathematics (BCAM) zentroan, eta, haren eskutik, ikuspuntu praktiko batetik, ikasleek gelan ikasten dituzten matematika-kontzeptuen aplikagarritasuna eta gizarte-ongizatean eragin positiboa duen mundu errealean nola aplikatzen diren ulertuko dute.

Mondragon Unibertsitatearen eskutik, Ingeniaritzako Olinpiadek DBHko 3. eta 4. mailako eta Batxilergoko ikasleei aukera eskainiko diete benetako erronka teknologiko bati aurre egiteko bi fasetan:

Lehenik, ikastetxean taldeka lan egingo dute, gelan aurrez lan bat eginez, planteatutako erronkaren irtenbidea/prototipo funtzionala aztertzeko eta diseinatzeko. Ondoren, aurrez prestatutako irtenbide berritzaile bat defendatu beharko duten lehiaketa presentzial bat egingo da campusetako batean, ikasleek ezagutza zientifikoak eta teknikoak aplikatuz.

Erronka honek ikasleei aukera emango die Teknologia, Fisika eta Matematika bezalako gaietan lortutako ezagutzak modu praktikoan aplikatzeko, erronketan oinarritutako ikaskuntzaren bidez ulermena indartuz. Gainera, gaitasun gakoak sustatuko ditu, hala nola talde-lana, sormena, analisi gaitasuna eta komunikazioa.

Olinpiadek ikasleei ingeniaritza zer den modu praktikoan ezagutzeko aukera ere emango diete, beren etorkizun akademiko eta profesionalari buruz erabakiak informatuak hartzen lagunduz STEM arloetan.

Azpimarratzekoa da planteatutakoerronkak ikasleen mailara egokitukodirela:
A kategoria: DBHko 3. eta 4. maila
B kategoria: Batxilergoa

Olinpiaden egunean, lehen postuak eskuratzen dituztenak sarituko dira, eta irabazle den taldeak aukera izango du Estatu mailako Olinpiadan parte hartzeko.

Ikasleek, Global Smart Grids Innovation Hub zentrora egindako bisitaren bidez, energia banatzeko sareetan gertatzen ari diren berrikuntza-prozesuak eta arlo horretan sartutako aurrerapen eta aprobetxamendu teknologikoak ezagutuko dituzte. Global Smart Grids Innovation Hub berrikuntza-plataforma eragilea da, eta Iberdrolaren ahalmen teknologikoa 80 erakunde eta enpresa laguntzailerekin baino gehiagorekin konbinatzen du.

Ikasleek, gelan aditu baten hitzaldiaren bidez, sektore elektrikoaren funtzionamendua (sorkuntza, banaketa eta kontsumoa), konpainia elektrikoen egungo egoera eta aurrean dituzten erronka nagusiak aztertuko dituzte.

Ikasleek Maier S.Coop enpresa kooperatiboko aditu baten hitzaldiaren bidez, automobilgintzako hainbat pieza eta osagaitarako diseinu industriala nola egiten den ezagutzeko
aukera izango dute.

Bigarren Hezkuntzako eta Batxilergoko ikasleek beren karbono-aztarna kalkulatzeko eta ezagutzeko aukera izango dute, bai etxean, bai ikasgelan, beren bizimoduarekin lotutako ohituren arabera. BC3 (Klima Aldaketarako Euskal Zentroa) ikerketa-zentroko ikasgelan aditu baten eskutik, ikasleek ikuspegi praktikotik ulertuko dituzte oinarrizko hainbat kontzeptu, hala nola karbono-aztarna, berotegiefektuko gasak, berotze globala eta abar.

Bigarren Hezkuntzako eta Batxilergoko ikasleen arteko klima-bulo nagusiak gezurtatzeko asmoz, BC3 (Klima Aldaketarako Euskal Zentroa) ikerketa-zentroko ikasgelan aditua den emakume batek bere ibilbide profesionalaren eta enpresaren jardueraren eta irismenaren aurkezpena egingo du ikastetxean. Parte hartze handiko dinamika baten bidez, klima aldaketa, trantsizio energetikoa eta berotegi efektuko gasekin lotutako hainbat gai landuko dira.

EHUko Ingeniaritza Eskolara egingo duten bisitaren bidez, ikasleek aukera izango dute Ingeniaritza Elektrikoaren aplikazio-eremu ugariei buruz hausnartzeko. Horretarako, gitarra elektrikoen eraikuntza errealaren adibidetik abiatuta, haren funtsezko printzipioak baliatuko dira printzipio horiek egungo sistema elektrikoetan duten aplikazio-eremu erraldoira estrapolatzeko.

Jarduera honetan, artea eta sormena erabiliz, zientziara eta teknologiara hurbiltzen dira ikasleak. DIPC-Donostia International Physics Centereko aditu batek taldekako dinamika sortzaile eta performatiboak garatuko ditu ikasgelan, grabitazio-eremuarekin lotutako kontzeptuak ulertzen eta esperimentatzen laguntzeko.

Ikasleek, AERNNOVA enpresako aditu baten hitzaldiaren/aurkezpenaren bidez, hegazkinak nola diseinatzen
diren jakin ahal izango dute. Aditu horrek konpainiaren negozioa
zehaztuko du. Hainbat materialetako piezen diseinutik hasi eta egituraaeronautikoen muntaietaraino. Tailerraren arduradunak
aeronautikaren sektoreko alderdi garrantzitsuenen sarrera egingo du, sektorean gehien eskatzen diren STEAM lanbideak azalduz eta genero ikuspegia txertatuz, estereotipo ezagunenekin.

Jarduera honen bidez, ikasleek tailer teknologiko batera joateko aukera izango dute, Deustuko Unibertsitateko Ingeniaritza Fakultatearen eskutik. Tailer horretan, fabrika adimendun baten simulazioaren bidez, energia berriztagarrien eta prozesu digitalizatuen garapena sustatzen da, datuak prozesatzeko teknologiak, software adimenduna eta sentsoreak integratuz. Tailerra diseinatuta dago ikasleek ingurune horren simulazio batean erabakiak har ditzaten Smart Rover baten konfigurazioari dagokionez. Robot adimendun demo bat da, fabrikaren funtzio orokor gehienak sistematizatzen dituena, bi misio bereizitan proposatutako zenbait erronka gainditzeko. Modu praktikoan, parte-hartzaileek ingeniaritza-arlo desberdinak ezagutzeko aukera izango dute.

Jarduera honen bidez, ikasleek 3D inprimaketako tailer teknologiko batera joateko aukera izango dute. Ikusiko dute zergatik bihurtu den 3D inprimaketa funtsezko tresna hainbat sektoretan, hala nola ingeniaritzan, arkitekturan edo diseinuan, 3Dko objektuen diseinuaren eta eraikuntzaren oinarriak ikasiko dituzte, eta software eta inprimaketa-ekipo desberdinekin lan egiteko aukera izango dute.

Ikuspegi dibertigarri baten bidez, ikasleak gelan aditua den pertsona batek lagunduko eta gidatuko ditu inprimatze-prozesu osoan. Pertsona horrek azalpenak emango ditu praktikan zehar (egiturak, prozesuak, esperientziak, materialak, etab.).

Zibersegurtasuneko tailer teknologikoak Batxilergoko 1. eta 2. mailako ikasleak sareetan nabigatzeko arriskuaz sentsibilizatzea du helburu. Proposatutako erronka bati erantzunez, zibersegurtasunari buruzko oinarrizko ezagutzak eskuratzeko eta zeharkako gaitasunak garatzeko aukera ematen du, hala nola talde-lana, ikasten ikastea, arazoak konpontzea edo frustrazioa kudeatzea. Erronka baten bidez, ikasleak ziberkriminal batzuk harrapatzen saiatuko dira, kontzeptu hauek lantzen dituzten bitartean: iturri irekietan informazioa bilatzea (OSINT), metadatuen azterketa, kriptografia, informazioa iturri fidagarrietatik datorren egiaztatzea (checksum MD5), beste mezu batzuen barruan informazioa ezkutatzea (esteganografia), etab.

Tailer teknologiko honek AA-ri buruzko ezagutza teknikoak eskuratzeko aukera ematen du, zeharkako gaitasunak garatuz, hala nola talde-lana, ikasten ikastea, arazoak
konpontzea edo frustrazioa kudeatzea. Azken finean, pertsonak ahalduntzea da kontua, AA-k gizarteari planteatzen dizkion erronkei modu arduratsuan aurre egiteko.

Aurretik ikerketa-gelan lan egin ondoren, Bigarren Hezkuntzako eta Batxilergoko ikasleek bisita gidatua egingo dute Vicinay Sestao erakundeko ingeniari baten eskutik, eta, horrez gain, ozeanoaren hondoa ainguratze-kate adimendunen bidez diseinatzeko, fabrikatzeko, instalatzeko eta monitorizatzeko orduan aurrean dituzten sistemen eta merkatuko erronken aurkezpen teknikoa egingo dute.

Ikusiko dute zergatik den ezinbestekoa osagai horiek mantentzea kalteak saihesteko eta egitura flotatzaileen jasangarritasuna ziurtatzeko, hala nola itsas plataforma eolikoena eta petrolio- edo gas-azpiegiturena. Horrez gain, itsas bizitzan ingurumen-inpaktua minimizatzearen garrantzia landuko da, instalatutako sistemak jasangarriak eta urpeko ekosistema errespetuzkoak izan daitezen.

Vicinay Sestaoko instalazioetara egingo den bisita honek aukera emango die ikasleei nola funtzionatzen duten jakiteko eta Vicinay Marine taldeko kate handienen eta teknologikoki aurreratuenen ekoizpen-prozesua ikusteko.

Ikasgelan aldez aurretik ikerketa-lan bat egin ondoren, Batxilergoko 1. mailako ikasleek enpresa-tailer bat egingo dute CIFP Tartanga LHII lanbide-heziketako ikastetxeko laborategian. Dinamika parte-hartzaile baten bidez, ikasleek hainbat elikagairen analisia egingo dute, haien kalitatea ebaluatzeko eta etiketen egiazkotasuna egiaztatzeko. Horrez gain, elikagaietan almidoirik dagoen eta arrautzen freskotasuna eta kalitatea proba espezifikoen bidez aztertzeko aukera izango dute.

Fisika gure bizitzetan etengabe presente dago eta, horregatik, Mondragon Unibertsitateko As-Fabrik Bilboko campuseko Fisika Laborategiko aditu baten eskutik, Batxilergoko ikasleek fenomeno fisiko dibertigarriak bertatik bertara esperimentatzeko tailer bat egin ahal izango dute, inguruan duten mundua hobeto ulertzen lagunduko diotenak eta jakin-min zientifikoa are gehiago estimulatuko dutenak.

Soinuaren abiadura eta g grabitate-konstantea neurtu, erresonantzia-esperimentu harrigarri batzuk egin eta hutsean gertatzen diren fenomeno bitxiak aurkitu ahal izango dituzte ikasleek. Elektrizitatearen eta magnetismoaren arteko lotura estua zein den jakingo dute, eta elektroiak desbideratu ahal izango dituzte eremu elektriko eta magnetikoen bidez.

Inguratzen gaituen unibertsoa liluragarria eta konplexua da. Bizi ezazu gure Mondragon Unibertsitateko Ingeniaritza Fakultatean!!

Jarduera honen bidez, Batxilergoko STEM Deskribatzaileak 1. eta 2. mailako ikasleek aurrerapen teknologikoek kuantikaren arloan ekar ditzaketen aukerak eta hobekuntzak ezagutuko dituzte. Horretarako, aldez aurretiko lan bat egingo du ikasgelan, sentsore- eta komunikazio-kuantikaren aplikazioari buruzko landa-ikerketa baten bidez, oso ezagunak diren teknologietan, hala nola erresonantzia magnetikoan eta mugikor baten GPSan.

Teknologia kuantiko aurreratuetan adituak diren profesionalen eskutik, ikasleek in situ egiazta ditzaten azken aurrerapen teknologiko kuantikoak, aukera izango dute EHU Quantum Center bisitatzeko, EHUko Kuantikako Ikerketa Zentroa (Leioako Campusa). Han, teknika eta adibide praktikoak ikusi ahal izango dituzte, eta ikerketa-taldeari galderak egin ahal izango dizkiote.